Milani fiton 3-1 ndaj Interit në San Siro me golat e Pulisic, Rabiot dhe Moreira, duke siguruar një fitore të rëndësishme në derbin e Milanos.
Nga Redaksia
· 1 min lexim
Stadiumi San Siro shpërthen në festë kuqezi! Milani triumfon 3-1 ndaj Interit dhe merr një fitore që ka shumë më tepër vlerë se tri pikë.
Në një mbrëmje plot emocione, krenarie dhe pasion, kuqezinjtë i dhurojnë tifozëve një derbi të paharrueshëm, duke shënuar përmes Pulisic, Rabiot dhe Moreira.
Është një nga ato net që mbeten të gdhira në kujtesë, sepse të mundësh rivalin e përjetshëm nuk është kurrë vetëm një fitore.
Derbi i Milanos fillon me spektakël. Në minutën e katërt, pas një aksioni të gjatë të kuqëzinjve, Moreira krosoi me saktësi në qendër për Pulisic-in, i cili realizoi, duke dërguar topin në rrjetë.
Interi në gjendje shoku. Në zhvillimet e një goditjeje këndi, Rabiot shtyn topin në rrjetë për golin e 2-0.
Në minutën e 22-të, zgjohej më në fund Interi. Nga goditja e këndit, topi shkon rrezikshëm në zonë, ku Bastoni nuk fal dhe shënon me kokë për 2-1.
Në përfundim të pjesës së parë vjen një gol i shkëlqyer nga Diego Moreira, i cili ekzekuton në mënyrë perfekte një goditje dënimi: Milani shkon në dhomat e zhveshjes në pushimin mes pjesëve në epërsi 3-1.
Burimi: Ora News
