Studentët e Mjekësisë marshojnë drejt Ministrisë së Arsimit, qytetare gris ftesën për dialog

Studentët e Fakultetit të Mjekësisë kanë filluar marshimin drejt Ministrisë së Arsimit, duke dalë në protestë për të kërkuar ndryshime dhe për të shprehur pakënaqësitë e tyre.

Me thirrjen „studentët kërkojmë revolucion“, ata janë mbledhur për të përcjellë mesazhet e tyre dhe për të kërkuar përgjigje nga institucionet përgjegjëse.

Kujtojmë se për më shumë se dy javë studentët kanë bojkotuar mësimin dhe kanë dalë në protestë duke kërkuar dorëheqjen e qeverisë.

Në mbështetje të tyre kanë dalë edhe pedagogët, të cilët janë solidarizuar, duke deklaruar se do të qëndrojnë në krah të studenteve deri në plotësimin e kërkesave, ku kryesore është dorëheqja e Edi Ramës.

Ndërkohë, një qytetare që është pjesë e protestës ka grisur ftesën për dialog të vendosur te Kryeministria nga kreu i Qeverisë Edi Rama.