20 vjet në skenë dhe album i ri, Dafina Zeqiri publikon pamje nga prapaskenat e xhirimeve

Dafina Zeqiri po përgatit albumin e saj të ri, „XX“, me të cilin festohet 20-vjetori i rrugëtimit të saj në muzikë.

Këngëtarja po lëshon gradualisht këngët e albumit, i cili pritet të jetë një projekt i veçantë në trajektoren e saj artistike.

Kohëve të fundit, Dafina ka publikuar fotografi nga prapaskenat e xhirimeve të një videoklipi të ri, ku duket e veshur me një fustan bezhë të zbukuruar me diamante në zonën e dekoltesë.

Në fotografitë e shpërndarë, këngëtarja shfaq edhe barkun e rrumbullakosur, pasi është në pritje të fëmijës së dytë.

Dafina po kombinon kështu një periudhë të rëndësishme në jetën personale me iniciativat e reja muzikore, përmes të cilave po festohet dy dekada në skenën shqiptare.