Protesta studentore në Tiranë vazhdon në ditën e 21-të. Studentët kanë bojkotuar sërish mësimin në auditore dhe marshojnë në rrugët e kryeqytetit, duke kërkuar përgjigje nga institucionet.
Nga Redaksia
· 1 min lexim
Protesta studentore në kryeqytet zgjat edhe në ditën e saj të 21-të. Pavarësisht tre javësh protestimi, studentët nuk tërhiqen nga kërkesat e tyre dhe kanë bojkotuar përsëri mësimin në auditore.
Ata mbajnë qëndrimin e tyre, ndërsa mbetet për t'u parë nëse do të ketë ndonjë përgjigje nga institucionet për zgjidhjen e situatës.
Studentë të Politeknikut u mblodhen dhe marshuan fillimisht tek Fakulteti i Historisë dhe Filologjisë, ku hynë brenda me thirrjet „bojkotoni mësimin“.
Ata kaluan në çdo sallë, duke hyrë dhe duke bërë thirrje për t'iu bashkuar.
Të njëjtën veprim e kryen edhe tek Fakulteti i Ekonomisë dhe Gjuhëve të Huaja, ndërsa më pas po drejtohen tek Juridiku.
Ndërkohë, raportohet se Universiteti i Mjekësisë po zhvillon rregullisht mësimet.
Ashtu si në ditët e kaluara, edhe sot u njoftua protestë para Ministrisë së Arsimit.
Burimi: Ora News
