Presidenti amerikan Donald Trump ka kritikuar homologun francez Emmanuel Macron, duke pohuar se politikat e migracionit po dëmtojnë Francën dhe po lejojnë hyrjen e personave që nuk e duan vendin.
Nga Redaksia
· 1 min lexim · Përditësuar më
– Presidenti amerikan, Donald Trump, ka kritikuar homologun e tij francez, Emmanuel Macron, duke pretenduar se politikat e tij të migracionit po dëmtojnë Francën dhe po lejojnë hyrjen e personave që nuk e duan vendin.
Në një intervistë për Fox News, Trump deklaroi se e ka njoftuar Macron për pasojat e politikave të tij, duke theksuar se migracioni masiv po shkakton probleme në disa shtete evropiane.
„Po dëmton Francën, duke lejuar hyrjen e njerëzve që e urrejnë vendin tuaj“, tha presidenti amerikan, duke iu referuar bisedës me liderin francez.
Trump përmendi gjithashtu Italinë dhe Spanjën, duke pohuar se migracioni masiv po shkakton protesta dhe pakënaqësi në këto vende.
Deklaratat e presidentit amerikan bëhen në një periudhë kur migracioni dhe politikat e kontrollit të kufijve mbeten ndër çështjet më të diskutuara në Evropë, duke nxitur debate mbi sigurinë, integrimin dhe menaxhimin e flukseve migratore.
Burimi: ATA
