Tensionet në Ministrinë e Arsimit, Kumbaro: Dialogu dhe komunikimi, rruga e vetme

Ministrja Mirela Kumbaro u shpreh sot pas akteve të dhunës të kryera nga protestuesit kundër ndërtesës së Ministrisë së Arsimit, duke nënvizuar rëndësinë e dialogut si rrugë për të shprehur pozicionet dhe për të kapërcyer mosmarrëveshjet.

Kumbaro publikoi në rrjetet sociale imazhe nga momentet e konfliktit gjatë protestës, ku pjesëmarrësit hedhin gurë kundër ndërtesës së Ministrisë së Arsimit, duke shkaktuar dëme në xhama dhe në pjesë të tjera të objektit.

Në deklaratën e saj, Kumbaro nënvizoi se dhuna kundër institucioneve nuk sjell zgjidhje, duke bërë apel për dialog dhe komunikim.

„Dhuna kundër institucioneve nuk zgjidh asgjë! Dialogu dhe fjala janë e vetmja rrugë“, shkroi ministrja në rrjetet sociale.