Anije greke sulmuar nga dronë në Detin e Zi, fundoset pranë Bullgarisë

Një anije mallrash në pronësi greke u sulmua nga dronë detarë në Detin e Zi, pranë brigjeve të Bullgarisë, duke përfunduar në fund të detit. Pamjet filmike kanë dokumentuar momentin e sulmit dhe shpërthimin që i parapriu fundosjes. Bëhet fjalë për anijen Contship Jet, me flamur liberian, e cila ishte nisur nga porti i Haifës në Izrael dhe kishte si destinacion Rumaninë. Sipas raportimeve, sulmi ndodhi të enjten, ndërsa videoja që po qarkullon në mediat ndërkombëtare tregon një nga dronët detarë që godet anijen dhe shpërthimin pas përplasjes.

Pamjet dyshohet se janë regjistruar nga një avion francez që patrullonte në zonë. Operatorët e avionit kishin pikasur më herët dronët dhe arritën të njoftonin ekuipazhin, duke bërë të mundur evakuimin e tij përpara fundosjes. Të 18 anëtarët e ekuipazhit, 14 filipinas dhe katër ukrainas, u shpëtuan nga anijet e marinës dhe policisë kufitare bullgare. Ata u transportuan më pas në qytetin portual të Varnës. Sipas faqes të specializuar maritime.bg, disa prej kontejnerëve që transportonte anija përmbanin bateri litium-jon, lëngje të ndezshme, gazra dhe materiale të tjera të rrezikshme. Megjithatë, ekipet e marinës bullgare nuk konstatuan shenja ndotjeje, pasi morën mostra në disa pika të ujërave territoriale.

Pas incidentit ka reaguar edhe Ministria e Jashtme greke, e cila dënoi sulmin ndaj anijes në pronësi greke, duke e cilësuar atë të papranueshëm dhe një kërcënim serioz për sigurinë detare. „Greqia dënon pa mëdyshje sulmin e fundit nga një dron detar kundër një anijeje tregtare në pronësi greke në brigjet e Bullgarisë. Sulme të tilla janë të papranueshme, rrezikojnë jetët njerëzore dhe përbëjnë një kërcënim serioz për sigurinë e lundrimit“, thuhet në deklaratën e ministrisë.

🇧🇬 Container ship sinks off Bulgaria after naval drone attack As previously reported by Bulgaria’s Defense Ministry, the Liberia-flagged Contship Jet was sailing from Haifa, Israel, to the Romanian port of Constanța and was hit three times. The damage was recorded by a French patrol aircraft. The crew of the container ship was rescued. Since the beginning of October, unmanned boats and drones have regularly attacked vessels in the Black Sea off the coasts of Romania and Bulgaria. Targets have included ships linked to the transport of Ukrainian grain and other cargo. In total, at least nine large commercial vessels have been attacked off the coasts of Bulgaria and Romania during October. Ukraine accuses Russia of the attacks. Bucharest and Sofia also place responsibility on Moscow.

Sipas raportimeve të Mbrojtjes bullgare, anija me flamur liberian Contship Jet ishte në rrugë nga Haifa në Izrael drejt portit rumun të Constanțës dhe u godit tre herë. Dëmtimi u regjistrua nga një avion patrullimi francez. Ekuipazhi i anijes u shpëtua. Që nga fillimi i tetorit, anijet pa pilot dhe dronët kanë sulmuar rregullisht anijeve në Detin e Zi pranë brigjeve të Rumanisë dhe Bullgarisë. Objektivat kanë përfshirë anijeve të lidhura me transportin e drithërave ukrainas dhe ngarkesave të tjera. Në total, të paktën nëntë anijeve tregtare të mëdha u janë sulmuar pranë brigjeve të Bullgarisë dhe Rumanisë gjatë tetorit. Ukraina akuzon Rusinë për sulmet. Bukuresti dhe Sofia e vendosin përgjegjësinë në Moskë.

Sulmi ka ngritur pikëpyetje për sigurinë në rajonin e Detit të Zi, veçanërisht për shkak të kohës kur ndodhi. Incidenti u regjistrua në të njëjtën periudhë kur ministrat e Mbrojtjes të Bullgarisë, Rumanisë dhe Turqisë u mblodhën në Sofje për të diskutuar çështjet e sigurisë në këtë rajon. Mediat bullgare ngrenë dyshimet se sulmi mund të jetë një mesazh nga Moska drejtuar Bullgarisë dhe Rumanisë, me synimin që këto vende të frenojnë mbështetjen e tyre për Ukrainën. Megjithatë, deri më tani nuk ka një konfirmim zyrtar për autorët e sulmit. Ky nuk është incidenti i parë i këtij lloji. Sipas raportimeve, pesë sulme të tjera ndaj anijeve janë regjistruar më herët në zonën detare pranë Bullgarisë, pa pasur asnjë pretendim për përgjegjësi.

Autoritetet bullgare kanë drejtuar gjithnjë e më shumë dyshimet nga Rusia. Kryeministri bullgar Rumen Radev, duke folur më herët këtë muaj në parlament, deklaroi se logjika të çon drejt Moskës, por pranoi se autoritetet nuk kanë arritur ta provojnë këtë. „Logjika çon në këtë drejtim, por problemi është se ne nuk mund ta provojmë këtë“, u shpreh ai, duke iu referuar përgjegjësisë së mundshme të Rusisë. Edhe NATO ka shprehur shqetësim për shtimin e incidenteve me dronë në krahun lindor të Aleancës. Sekretari i Përgjithshëm, Mark Rutte, deklaroi më 15 tetor se NATO kishte forcuar praninë dhe kapacitetet e saj mbrojtëse, përfshirë aftësitë kundër dronëve, në përgjigje të këtyre zhvillimeve.

„Logjika çon në këtë drejtim, por problemi është se ne nuk mund ta provojmë këtë“, u shpreh ai, duke iu referuar përgjegjësisë së mundshme të Rusisë. Edhe NATO ka shprehur shqetësim për shtimin e incidenteve me dronë në krahun lindor të Aleancës. Sekretari i Përgjithshëm, Mark Rutte, deklaroi më 15 tetor se NATO kishte forcuar praninë dhe kapacitetet e saj mbrojtëse, përfshirë aftësitë kundër dronëve, në përgjigje të këtyre zhvillimeve.

Çfarë zbulojnë pamjet për origjinën e dronit?

Media bullgare Vesti ka analizuar pamjet e dronëve detarë me synimin për të identifikuar origjinën e tyre. Sipas analizës, karakteristikat e jashtme të mjetit kanë ngjashmëri me disa modele amerikane, ukrainase dhe ruse, përfshirë Red Cat V7, dronët ukrainas Magura, si dhe modelet ruse „Murena“-300S, „Oduvanchik“ dhe „Zephyr“. Megjithatë, janë evidentuar edhe dallime të rëndësishme. Droni i filmuar ka një motor të jashtëm të dukshëm në pjesën e pasme, element që mungon te modelet amerikane dhe ukrainase të përmendura në analizë. Ai ka gjithashtu një strukturë të ngritur dhe mbulesa karakteristike. Një dron me tipare të ngjashme, që dyshohet se i përket një modeli të ri rus, ishte rrëzuar në gusht nga një avion luftarak rumun F-16, pranë platformës së gazit natyror Neptun Deep. Pavarësisht ngjashmërive teknike, origjina e dronit që goditi Contship Jet dhe përgjegjësia për sulmin mbeten ende të pakonfirmuara.