Një pacient ka ndërruar jetë pasi ra nga kati i tretë i Spitalit të Traumës në Tiranë. Ai ishte i shtruar pas një tentative të mëparshme për vetëvrasje.
Nga Redaksia
· 1 min lexim
Një pacient ka ndërruar jetë sot pasi ra nga kati i tretë i Spitalit të Traumës në Tiranë.
Sipas burimeve për News24, pacienti ishte i shtruar në spital pas një tentative të mëparshme për vetëvrasje, për pasojë të së cilës kishte pësuar fraktura dhe po trajtohej mjekësisht.
Gjatë qëndrimit në spital, pacienti ra nga kati i tretë i godinës, duke humbur jetën.
Pas ngjarjes, policia ka nisur hetimet për të sqaruar rrethanat dhe dinamikën e saj. Në kuadër të hetimeve, po merren në pyetje personeli mjekësor dhe familjarët e pacientit.
Pritet që hetimet të hedhin dritë mbi mënyrën se si ndodhi ngjarja dhe rrethanat e qëndrimit të pacientit në spital.
Burimi: Ora News
