Instituti i Statistikave njoftoi se 48 punonjës kanë humbur jetën në aksidente në punë gjatë vitit 2025 në Shqipëri, 15 më shumë se në vitin 2024, ndërsa numri i punëmarrësve të aksidentuar arriti në 212.
Nga Redaksia
· 1 min lexim
Gjatë vitit 2025 në Shqipëri, 48 punonjës kanë vdekur si rezultat i aksidenteve në vendin e punës, 15 më shumë krahasuar me vitin paraardhës.
Të dhënat u publikuan këtë të enjte nga Instituti i Statistikave (INSTAT), duke treguar një rritje të numrit të viktimave dhe të punonjësve të aksidentuar në krahasim me vitin 2024.
Sipas raportit, gjatë vitit 2025 janë regjistruar gjithsej 212 punëmarrës të aksidentuar, 19,8% më shumë se në vitin 2024.
Rritje kanë pësuar edhe inspektimet e zhvilluara për shkak të aksidenteve në vendin e punës. Gjatë vitit 2025 janë realizuar 275 inspektime, ose 22,8% më shumë se një vit më parë.
Të dhënat tregojnë se në vitin 2024 kishin humbur jetën 33 punonjës nga aksidentet në punë, ndërsa në vitin 2025 numri i viktimave arriti në 48.
Burimi: Lajmi i Fundit
