Arrestohet 35-vjeçari që transportonte 21 emigrantë drejt Italisë me tarifë 2800 euro për person

Një 35-vjeçar u arrestua në flagrancë nga Policia Kufitare e Sarandës, pasi u kap duke transportuar me furgon 21 shtetas nga Iraku dhe Irani, të cilët dyshohet se kishin hyrë në mënyrë të paligjshme në Shqipëri përmes kufirit me Greqinë.

Sipas hetimeve paraprake, destinacioni përfundimtar i tyre ishte Italia, ndërsa për transportin dyshohet se secili shtetas pagonte 2800 euro.

Sarandë/Finalizohet operacioni i koduar „Tranzit 2“, goditet një tjetër rast i dhënies ndihmë për kalim të paligjshëm të kufirit.

Transportonte me furgon 21 shtetas nga Iraku dhe Irani që kishin hyrë në mënyrë të paligjshme nga kufiri me Greqinë, u kap në flagrancë gjatë natës dhe u arrestua 35-vjeçari.

Të 21 emigrantët u proceduan në gjendje të lirë për veprën penale „Kalimi i paligjshëm i kufirit shtetëror“.

Shërbimet e Komisariatit të Policisë Kufitare Sarandë, në vijim të operacioneve për goditjen e veprimtarisë kriminale të dhënies ndihmë për kalim të paligjshëm të kufijve shtetërorë, organizuan dhe finalizuan operacionin policor të koduar „Tranzit 2“.

Në kuadër të këtij operacioni, u arrestua në flagrancë shtetasi A. Z., 35 vjeç, banues në Itali.

Ky shtetas u kap gjatë natës, në afërsi të fshatit Shkallë, duke transportuar me automjet furgon 21 shtetas me origjinë nga Iraku dhe Irani, të cilët dyshohet se kanë hyrë në mënyrë të paligjshme në Shqipëri nëpërmjet kufirit tokësor me Greqinë.

Nga hetimet dyshohet se destinacioni përfundimtar i emigrantëve ishte Italia dhe se pagesa për transportimin ishte 2800 euro për secilin shtetas.

Në vijim të veprimeve procedurale, 21 shtetasit e huaj u proceduan në gjendje të lirë për veprën penale „Kalimi i paligjshëm i kufirit shtetëror“.

Hetimet vazhdojnë për dokumentimin e plotë të kësaj veprimtarie kriminale dhe identifikimin e shtetasve të tjerë që mund të jenë të përfshirë.

Materialet procedurale iu referuan Prokurorisë së Sarandës, për veprime të mëtejshme.