Një 65-vjeçar është arrestuar në lidhje me ngjarjen e rëndë në fshatin Demiraj të Gjilanit, ku u gjetën të pajetë djali i tij 27-vjeçar dhe nipi i tij.
Një 65-vjeçar është arrestuar në lidhje me ngjarjen e rëndë të regjistruar në fshatin Demiraj të Gjilanit, ku mëngjesin e kësaj të diele u gjetën të pajetë djali i tij 27-vjeçar dhe nipi i tij.
Sipas raporteve të mediave në Kosovë, 65-vjeçari dyshohet se është autori i dyfishtë. Ai është shoqëruar nga autoritetet policore, ndërsa hetimet vazhdojnë për të sqaruar plotësisht rrethanat dhe motivet e ngjarjes.
Trupat e pajetë janë zbuluar rreth orës 08:47 në një banesë në fshatin Demiraj. Në vendngjarje kanë mbërritur shërbimet e Policisë, Prokurori i Shtetit dhe ekipi i Emergjencës, ku është konstatuar vdekja e të dy personave.
Arrestohet personi i lidhur me rastin „Vrasje e Rëndë“
Më 01.11.2026 rreth orës 08:47, Policia e Kosovës ka marrë informacion për dy trupa të pajetë në një shtëpi në fshatin Demiraj të komunës së Gjilanit, një person mashkull i lindur në vitin 1999 dhe një foshnjë.
Me urgjencë në vendin e ngjarjes kanë dalë njësitet policore, Prokurori i Shtetit dhe ekipi mjekësor, ku nga mjeku është konstatuar se të dy personat janë pa shenja jete.
Nga hetimet e para në vendin e ngjarjes, dyshohet se incidenti ka ndodhur brenda familjes, ku në lidhje me rastin është arrestuar një person i lidhur me viktimat, i cili me vendim të prokurorit është ndaluar për 48 orë.
Në bashkëpunim me prokurorinë po kryhen të gjitha veprimet e nevojshme hetimore për ndriçimin dhe sqarimin e plotë të rastit, i cili është klasifikuar si „Vrasje e Rëndë“.
Me vendim të Prokurorit të Shtetit trupat e pajetë dërgohen në Institutin e Mjekësisë Ligjore në Prishtinë për obduksion.
Policia e Kosovës në bashkëpunim dhe koordinim me prokurorinë mbështetet në hetimin dhe punën profesionale të rastit.
