13 të lënduar pas protestës në Tiranë, njëri me dëmtime në sy

Screenshot

Sipas të dhënave paraprake të Ministrisë së Shëndetësisë dhe Mirëqenies Sociale, të paktën 13 persona kanë kërkuar ndihmë mjekësore në spitalet dhe poliklinikat e Tiranës pas protestës që u zhvillua sot.

Në Spitalin Universitar të Traumës kanë ardhur 9 të lënduar, ndër të cilët 7 protestues dhe 2 përfaqësues të medias. Një protestues ka pësuar dëmtime në sy dhe po i nënshtrohet ekzaminimeve. Sipas ministrisë, të gjithë janë jashtë rrezikut për jetën.

Nga të lënduarit në këtë spital, 5 kanë përfunduar trajtimin dhe janë larguar, ndërsa 4 protestues vazhdojnë me ekzaminimet dhe trajtimin mjekësor.

Në Qendrën Spitalore Universitare „Nënë Tereza“ kanë ardhur një protestues dhe një efektiv policie. Të dy kanë marrë ndihmën e nevojshme dhe kanë lënë spitalin.

Në Poliklinikën e Specialiteteve Nr. 2 në Tiranë kanë marrë trajtim 2 efektivë policie, të cilët kanë pësuar dëmtime në sy. Edhe ata janë larguar pas marrjes së ndihmës mjekësore.

Njoftimi i MSHMS:

Ministria e Shëndetësisë dhe Mirëqenies Sociale, bazuar në informacionet paraprake nga strukturat spitalore dhe poliklinikat, njofton se gjatë protestës sot:

Në Spitalin Universitar të Traumës kanë ardhur 9 të lënduar:

– 7 protestues, njëri i tyre me dëmtime në sy, po i nënshtrohet ekzaminimeve. Jashtë rrezikut për jetën.

– 2 përfaqësues të medias.

Aktualisht, 5 të lënduar kanë lënë spitalin pasi kanë përfunduar trajtimin. Ndërsa 4 protestues vazhdojnë ekzaminimet dhe trajtimin.

Në Qendrën Spitalore Universitare „Nënë Tereza“ kanë ardhur:

– Një protestues

– Një efektiv policie

Të dy kanë lënë spitalin pasi kanë përfunduar trajtimin.

Në Poliklinikën e Specialiteteve Nr. 2 në Tiranë kanë ardhur:

– 2 efektivë policie, me dëmtime në sy, të cilët kanë marrë trajtimin e nevojshëm.

Të lënduarit kanë lënë ambientet e poliklinikës pasi kanë përfunduar trajtimin e nevojshëm.